وَ مِنِ حونَه نَخوس کُهنه تفنگچی دَ وَری
اَو گذشتِه وَ سَرُم وَ نَفَس اُفتامِ دَ وَری
کِل بِزن تا کِه صِداش وَرشِخَنِه مردمِ ایل
کوگِ درِ ناخوشِ نیخونِه وَ کُهسار دَ وَری
مِن رکاب پا تَه بِنِه بِگِه وَ دَس کوهَۀ زین
نیزنه شِحنَه وَ دشت اسبِ کَهَرِت دَ وَری
گله رَم کِردِه ، چِپون گله وَ هَی کمکِ
پازنِ مَهسِ کَلو مِن کَپِ گرگِ دَ وَری
نَه قطار بَندی وَ قَد وُ نَه تفنگ اینی وَ کوُل
وَ دیارت دَ رَسی دشمنِ خونی دَ وَری
غیرتِت هِه کِه نشینی وُ بِوینی دشمن
هَی چَپَو ایکِنِه وُ ایکِشِ ایلِت دَ وَری
پاتَ پاپیچ بُوَندُ وَ کمر بَند قطار
دل مکُن خَش وَ کسی دَس کُه وَ بِرنو دَ وَری
کِل بزن بَی کِلِ برنو وُ بِدُون اسبِ کَهَر
اعتباری بِنِه سی ایلُ تَبارِت دَ وَری